من ١٩٩٩م وحنا ملتزمين بعهد تجاه الشاورما!
ومعتبرينها قاعدة الأساس للمنيو عندنا، وهذا الشيء ما راح يتغيّر أبدًا.
لنا تاريخ طويل مع الشاورما، مليان حب لألذ ساندويتش في العالم العربي، الشاورما، واللي يعرفونها آباءنا وجدّاننا.
حنا في شاورمر، مخلّين كل تركيزنا وجهدنا على الشاورما الحديثة، وتطوير الشاورما بأعلى معايير الجودة، ونحرص دايم على المكونات الطبيعية والطازجة، هذي المواضيع ما عندنا مزح فيها بشاورمر!
ونحرص دايم بعد على إننا نلقى حلول تمكنّا من المحافظة على جودتنا وطعم الصوصات المصنوعة يدويًّا، نعم حنا صوصاتنا نسوّيها يدويّا، بدون استخدام آلات صناعية، وهذا كله من اهتمامنا بتقديم وجباتنا بأعلى جودة ممكنة، وعشان نكون عند حسن ظن العملاء
حنا رسالتنا إننا ننشر السعادة والفرح من خلال حبّنا للشاورما، وانطلاقًا من هالرسالة، وصلنا أكثر من 160فروع، والخير قدّام.
ومع تطور ونمو شاورمر، لازم يتأكدون عملاءنا من شغلتين، الأولى: الشاورما اللي نحبها بتكون دايمًا حجر الأساس للمنيو عندنا، والثاني: مفاجآتنا ما راح توقف، وممكن في أي يوم تدخل الفرع وتلقى نكهة جديدة، أو صوص جديد، أو مكونات جديدة، ويمكن تكون هذي أعظم إضافة للشاورما بالنسبة لك.